უკრაინის შეიარაღებული ძალების საზენიტო-სარაკეტო დივიზიას პოლკოვნიკი დმიტრი შუმაკოვი ხელმძღვანელობს. ის უკრაინის ცოცხალი გმირია.
ამ დივიზიამ უკვე მტრის 30 საჰაერო სამიზნე გაანადგურა. ცოტა ხნის წინ კი დანაყოფმა უმაღლესი პროფესიონალიზმი გამოავლინა: დმიტრიმ და მისმა დივიზიამ რუსების 6 საბრძოლო ფრთოსანი რაკეტა ერთდროულად ჩამოაგდო სამ წუთში.
შუმაკოვს უკრაინის გმირის წოდება და ოქროს ვარსკვლავი პირადი სიმამაცის გამოვლენისა და სახელმწიფო სუვერენიტეტის დაცვისთვის მიენიჭა.
ამ დივიზიის საშუალებით უკრაინის საჰაერო თავდაცვა არამხოლოდ იგერიებს რუსული აგრესიის შეტევებს, არამედ ანადგურებს მტრის ფრთოსანი საბრძოლო რაკეტების მნიშვნელოვან ნაწილს.Preview (opens in a new tab)
უკრაინულ გამოცემა „Armyinform”- ს დივიზიის პოლკოვნიკი უყვება, რომ რამდენიმე ფაქტორმა მოახდინა საზენიტო-სარაკეტო დივიზიის წარმატებაზე გავლენა:
„ერთი მიზეზი იყო ის, რომ ოკუპანტები დარწმუნებულები იყვნენ საკუთარ ძლიერებაში და მთელი ძალით არ გვიტევდნენ, რადგან უკრაინისგან წინააღმდეგობის მძლავრ ტალღას არ ელოდნენ, თუმცა ყველაფერი სხვაგვარად მოხდა.
მეორე დიდი პლუსი იყო ის, რომ ბოლო 5 წლის განმავლობაში საზენიტო მსროლელებს გვქონდა საკუთარი პოლიგონი და საცდელი სროლების შესაძლებლობა, ასევე საზენიტო რაკეტების გაშვებაც შეგვეძლო საცდელად.
უკრაინის შეიარაღებული ძალების საზენიტო-სარაკეტო დივიზიას პოლკოვნიკი დმიტრი შუმაკოვი/ფოტო: გამოცემა: Armyinform
ამ წვრთნებით დივიზიის შემადგენლობამ უზარმაზარი გამოცდილება დააგროვა. ეს იყო არამხოლოდ საბრძოლო გამოცდილება, არამედ აპარატურასთან მუშაობის პრაქტიკული გაკვეთილებიც.
„რაკეტების წარმატებით გასაშვებად აუცილებელია ფსიქოლოგიური მზაობაც. პოლიგონზე პრაქტიკულმა წვრთნებმა ჯარისკაცები მორალურად და ფსიქოლოგიურად გააძლიერა.
ძლიერი სურვილი, გავიმარჯვოთ მტერზე, ჩვენ ყოველდღიურად გვაახლოებს ომის დასასრულსა და ნანატრ მშვიდობას“, – ამბობს უკრაინულ გამოცემასთან უკრაინის შეიარაღებული ძალების საზენიტო-სარაკეტო დივიზიას პოლკოვნიკი.
დმიტრი შუმაკოვის მონათხრობი:
- ვეტერანი ჯარისკაცები პენსიიდან ბრუნდებოდნენ ჯარში
24 თებერვალს ორჯერ დაარტყეს ჩვენს დივიზიას და დაგვიზიანდა საბრძოლო აღჭურვილობა. დავიწყეთ დაზიანებული ტექნიკის აღდგენა, პარალელურად თავდაცვისთვის მზადება. პირველივე დღეს დივიზიაში დაბრუნდნენ ვეტერანი ჯარისკაცები, ისინი პენსიიდან ბრუნდებოდნენ უკან, ჯარში.
დივიზიის ოფიცრები მაღალკვალიფიციური სპეციალისტები არიან, ამიტომ საკუთარი ძალებით მცირე დროში შეძლეს საბრძოლო უნარების აღდგენა და თვითმობილიზება.
12 მარტიდან დანაყოფმა საბრძოლო მორიგეობა დაიწყო და იმ დღესვე შევძელით 3 რუსული რაკეტის ჩამოგდება.
ჩვენი სახელმწიფოს წინააღმდეგ მტერმა ავიაციისა და სარაკეტო იარაღის ფართო სპექტრის გამოყენება დაიწყო. მუშაობის უკეთ დასაგეგმად, საჭიროა მიიღო გამოცდილება. ვაანალიზებდით ჩვენს ხელთ არსებულ ყველა ინფორმაციას, ვკითხულობდით, ვუზიარებდით ერთმანეთს პრაქტიკულ გამოცდილებას ყოველი მარცხის შემდეგ.
ახლა გაცილებით რთული მიზნები გვაქვს. მტერი ცვლის ტაქტიკას – ცვლის რაკეტების სიმაღლეს, მარშრუტებს, აქტიურად მანევრირებს. ჩვენ ვცდილობთ აღმოვაჩინოთ მათი სუსტი მხარეები. ომში ყველა ძალიან სწრაფად სწავლობს და შეცდომა, სამწუხაროდ, შეიძლება ძალიან ძვირი დაგიჯდეს.
- მტრისგან ჩვენკენ მომართული 6 რაკეტა ისე გავანადგურეთ, რომ სრულად ავირიდეთ მსხვერპლი
ყველაზე კარგად დამამახსოვრდა მომენტი, როცა ერთდროულად 6 რაკეტას ვესროლე, მტრის 6 „კალიბრი“ სწრაფად იცვლიდა მიმართულებას.
ამ შედეგს არ ველოდით, მაგრამ ყველა იყო ჩართული საქმეში და თანმიმდევრულად, პროფესიონალურად ვმუშაობდით. ყველაფერი ზუსტად 2, 3 წუთში მოხდა. მერე გავაცნობიერეთ, რომ ეს იყო მასობრივი დარტყმა, თან ისე, რომ ჩვენს მხარეს სრულად ავაშორეთ მსხვერპლი.
დმიტრი შუმაკოვის მიერ განადგურებული რუსული რაკეტები
როცა დავრწმუნდით, რომ მტრის მიერ ჩვენკენ მომართული ექვსი რაკეტიდან ექვსივე გავანადგურეთ ერთდროულად, საოცარი ემოციები გვქონდა. ეს ემოციები სამუდამოდ ჩამრჩა გონებაში.
მერე უკვე ჩვენმა დივიზიამ 30 რაკეტაც გაანადგურა ჰაერში.
- რუსული სამხედრო კომპლექსი საპნის ბუშტია
უახლესი რუსული საჰაერო თავდაცვის სისტემები გადაჭარბებულადაა რეკლამირებული. აგრესორი ცუდად მუშაობს. მათ საჰაერო თავდაცვის სისტემებს თავდაცვა ხშირად არ შეუძლია.
რუსული სამხედრო კომპლექსი საპნის ბუშტია, ისევე, როგორც ბევრი სხვა რამ რუსეთში. რუსები ბევრს საუბრობენ თავიანთი იარაღის უნიკალურ შესაძლებლობებსა და სამხედრო აღჭურვილობაზე, თუმცა საბჭოთა ეპოქის შემდეგ ცოტა რამაა შეცვლილი მსგავსად რუსეთის გზებისა – საზეიმოდ ხსნიან კილომეტრობით გარემონტებულ გზას, შემდეგ კი იქაურობა მალევე ივსება ორმოებით. ასეა იარაღის შემთხვევაშიც – ყველა წარმოდგენა რუსულ იარაღზე საპნის ბუშტია.
ჯარის შემადგენლობის კვალიფიკაციაც დაბალია. ცხადია ჰყავთ გაწვრთნილი პერსონალიც, მაგრამ უმეტესწილად ესეც სპეციალურად შექმნილი სურათია.
