მთავარი,სიახლეები

ლატვიამ რუსეთი ტერორიზმის მხარდამჭერ ქვეყნად აღიარა

11.08.2022 • 1031
ლატვიამ რუსეთი ტერორიზმის მხარდამჭერ ქვეყნად აღიარა

დღეს, 11 აგვისტოს, ლატვიის სეიმმა რუსეთის ძალადობა უკრაინაში მშვიდობიანი მოსახლეობის მიმართ ტერორიზმად აღიარა, ხოლო რუსეთი – ტერორიზმის მხარდამჭერ სახელმწიფოდ.

განცხადების თანახმად, ლატვია რუსეთის საომარ მოქმედებებს უკრაინაში ტერორიზმად აფასებს.

ლატვიის პარლამენტის განცხადება შეიცავს მოწოდებას ევროკავშირის მიმართ, დაუყოვნებლივ შეაჩერონ ვიზების გაცემა რუსეთისა და ბელარუსის მოქალაქეების მიმართ.

„რუსეთი მრავალი წლის განმავლობაში უჭერდა მხარს და აფინანსებდა ტერორისტულ რეჟიმებსა და ორგანიზაციებს სხვადასხვა გზით – პირდაპირ და ირიბად, როგორც იარაღის უმსხვილესი მიმწოდებელი სირიაში, ასადის რეჟიმისათვის და როგორც შემსრულებელი, მაგალითად, სკრიპალების მოწამვლა ან ავიარეის MH17 [მალაიზიური ლაინერი, რომელიც რუსეთმა 2014 წელს უკრაინის თავზე ჩამოაგდო] ჩამოგდება.

ახლა რუსეთმა გამოიყენა იგივე, დაუნდობელი, ამორალური და უკანონო ტაქტიკა უკრაინაში, რამდენადაც იგი იყენებს არაზუსტ და საერთაშორისო დონეზე აკრძალულ იარაღსა და საბრძოლო მასალას და არაპროპორციული სისასტიკით ურტყამს სამოქალაქო პირებს და საზოგადოებრივ ადგილებს“, – განაცხადა რიჰარდს კოლსმა, პარლამენტის საგარეო ურთიერთობათა კომიტეტის თავმჯდომარემ.

გადაბეჭდვის წესი


ასევე: