დღეს, პირველ აგვისტოს, რუსეთის უკრაინაზე თავდასხმის, 24 თებერვლის შემდეგ პირველად, ოდესის პორტი დატოვა უკრაინული მარცვლეულით დატვირთულმა გემმა.
RAZONI, სიერა ლეონეს დროშით მცურავი გემი ლიბანში, ტრიპოლის პორტისკენ მიცურავს. ბორტზე 26 000 ტონა უკრაინული სიმინდია.
ამის შესახებ უკრაინის ინფრასტრუქტურის მინისტრმა, ალექსანდრე კუბრაკოვმა განაცხადა.
გემი იმოძრავებს ე.წ. დერეფნით, რომლის უსაფრთხოების გარანტი გაერო და თურქეთი არიან.
ოდესის პორტში მარცვლეულით დატვირთული კიდევ 16 გემი ელოდება ქვეყნიდან გასვლას.
ერთობლივი საკოორდინაციო ცენტრი, რომელიც შეიქმნა უკრაინის პორტებიდან მარცვლეულის უსაფრთხო ექსპორტის გასაკონტროლებლად, სტამბოლში 27 ივნისს გაიხსნა.
ცენტრის მეშვეობით იგეგმება შავი ზღვის უკრაინის სამი პორტიდან (ოდესა, ჩორნომორსკი, იუჟნი) მარცვლეულის ექსპორტში ჩართული გემების შემოწმება. ცენტრის მიზანია უზრუნველყოს უკრაინიდან ექსპორტირებული მარცვლეულის ტრანსპორტირება და განაწილება. გემების მოძრაობას მონიტორინგს და მთელ პროცესს კოორდინაციას გაუწევს გაერო და შეთანხმების მონაწილე მხარეები- უკრაინა, რუსეთი და თურქეთი.
