ნეტგაზეთი • RU

უკრაინაში რუსეთის 5 არმია გავანადგურეთ – ოლექსი არესტოვიჩი

უკრაინის შეიარაღებულმა ძალებმა რუსეთის 5 საერთო-საჯარისო არმია გაანადგურეს. საერთო ჯამში, რუსეთს ასეთი 10 და დამატებით, ორი სპეციალური დანიშნულებისა და მასშტაბის არმია ჰყავს.

ინფორმაციას პრეზიდენტის ადმინისტრაციის მრჩეველი, ოლექსი არესტოვიჩი ავრცელებს.

„ახლა გამოდის, რომ ჩვენ მთლიანად გავანადგურეთ 35 მოტომსროლელი და 10 სატანკო პოლკი. ეს 10 მოტომსროლელი დივიზია ან 5 საერთო-საჯარისო არმიაა. რუსეთმა თავისი 10 არმიიდან 5 უკრაინაში დამარხა“, – ამბობს არსეტოვიჩი.

პრეზიდენტის ოფისის ხელმძღვანელის მრჩევლის თქმით, რუსეთმა უკრაინაში ასევე დაკარგა:

  • „გრადის“ ტიპის ზალპური ცეცხლის 13 რეაქტიული სისტემა
  • ლულიანი არტილერიის 70 დივიზიონი
  • 1730 ტანკი – 54 საბატალიონო კომპლექტი
  • 3950 ჯავშანმანქანა – ეს იგივეა, რაც დაახლოებით 124 საბატალიონო კომპლექტი

უკრაინის გენშტაბის უახლესი მონაცემებით, რუსეთის დანაკარგი უკრაინაში 39 870 სამხედროა.

ნეტგაზეთის მასალების სხვა გამოცემებში გადაბეჭდვის წესი
ავტორი
გაზეთი "ბათუმელები" გამოდის 2001 წლიდან.