ბათუმში, გორგილაძის ქუჩაზე, რამდენიმე წუთის წინ ავტოსაგზაო შემთხვევა მოხდა. თვითმხილველების თქმით, ერთმანეთს რამდენიმე მსუბუქი ავტომანქანა შეეჯახა. შემთხვევის ადგილზე საპატრულო პოლიციაა მობილიზებული.
„ბათუმელებს“ სასწრაფო სამედიცინო დახმარების სამსახურში განუცხადეს, რომ შემთხვევის ადგილიდან საავადმყოფოში ოთხი ადამიანი გადაჰყავთ, თუმცა სერიოზული დაზიანებები არც ერთს არ აღენიშნება – „მსუბუქად არიან დაშავებულები“.
