ნეტგაზეთი • RU

2,5 მილიონი ლარის ღირებულების ნარკოტიკი დაწვეს – შსს

შინაგან საქმეთა სამინისტროს ინფორმაციით, სხვადასხვა დროს ჩატარებული საგამოძიებო ღონისძიებების შედეგად ამოღებული ნარკოტიკული საშუალებები გაანადგურეს. მათი საერთო ღირებულება ე.წ. შავ ბაზარზე დაახლოებით 2 მილიონ-ნახევარ ლარს შეადგენს.

„ნარკოტიკების განადგურების პროცესს სპეციალური მუდმივმოქმედი კომისიის წევრები ესწრებოდნენ. სამართალდამცველებმა უკანონო ბრუნვიდან ნივთმტკიცებად ამოღებული ნარკოტიკები მაღალტემპერატურულ ღუმელში, გარემოსდაცვითი თანამედროვე სტანდარტების დაცვით გაანადგურეს“ – აცხადებს შსს.

სამინისტროს ინფორმაციით, საექსპერტო-კრიმინალისტიკური დეპარტამენტის თანამშრომლები ნარკოტიკებსა და ფსიქოაქტიურ ნივთიერებებს სასამართლოს განაჩენის შემდეგ, სპეციალური მუდმივმოქმედი კომისიის წევრების თანდასწრებით, ეტაპობრივად ანადგურებენ.

ამჯერად ეს ნარკოტიკული საშუალებები გაანადგურეს:

  • 2553 აბი “სუბუტექსი”
  • 2627,87 გრ “კოკაინი”
  • 1368 გრამი “ჰეროინი”
  • 94 გრ. “მეტადონი”
  • 53,065 კგ „მარიხუანა“
  • 753 კგ. „კანაფი“
  • “ამფეტამინის” შემცველი 352 აბი
  • 67 გრ ახალი ფსიქოაქტიური ნივთიერება
  • 1050 ცალი ახალი ფსიქოაქტიური ნივთიერების შემცველი ფირფიტის ნაჭრები
  • “პრეგაბალინის” შემცველი 1144 კაფსულა
ნეტგაზეთის მასალების სხვა გამოცემებში გადაბეჭდვის წესი
ავტორი