კიევის მერმა ვიტალი კლიჩკომ ESPY Awards-ის არტურ ეშლის სახელობის სიმამაცის პრემია მიიღო. ESPY ამერიკული პრემიაა მაღალი სპორტული მიწევებისთვის, რომელიც ყოველწლიურად გაიცემა.
დაჯილდოების ცერემონია ლოს-ანჯელესში, აშშ-ში გაიმართა. კიევში მყოფი კლიჩკოს სახელით, რომელიც ცერემონიას ვერ დაესწრო, ჯილდო ამერიკელმა მსახიობმა დუეინ ჯონსონმა მიიღო.
„უკრაინის დედაქალაქის მერი 2014 წლიდან, ყოფილი ჩემპიონი მძიმე წონით კატეგორიაში, დიდი ხანია ვლადიმერ პუტინის ღია კრიტიკოსია.
მას შემდეგ, რაც რუსეთი თებერვლის ბოლოს შეიჭრა უკრაინაში, ვიტალი თავის უმცროს ძმასთან ერთად, წინააღმდეგობის ერთ-ერთი სახეა. კლიჩკოებმა იარაღი აიღეს კიევში, ტერიტორიული თავდაცვის ბატალიონში.
„ჩემთვის დიდი პატივია ამ ჯილდოს მიღება”, – თქვა 50 წლის კლიჩკომ, „დარწმუნებული ვარ, რომ ეს არის უკრაინელი ხალხის გამბედაობის აღიარება, რომელიც 3-ზე მეტი თვის განმავლობაში გაბედულად ეწინააღმდეგებოდა რუს აგრესორს. ეს არის ჯილდო ყველასთვის, ვინც იცავს უკრაინის დამოუკიდებლობას და თავისუფლებას“ – ვკითხულობთ ESPY Awards-ის ვებგვერდზე.
