დიდი ბრიტანეთის თავდაცვა უკრაინას სამხედრო დახმარების ახალ პაკეტს უგზავნის. უწყების ვებგვერდზე გამოქვეყნებულ ინფორმაციაში ნათქვამია, რომ გაერთიანებული სამეფო უკრაინას 50 ათას საარტილერიო ჭურვსა და ასობით ტანკსაწინააღმდეგო სისტემას გადასცემს.
სამხედრო დახმარების ჩამონათვალში შედის:
20-ზე მეტი 155 მმ-იანი თვითმავალი ჰაუბიცა M109; 36 ერთეული 105 მმ-იანი ჰაუბიცა L119; 1600-ზე მეტი ტანკსაწინააღმდეგო სისტემა; 50 000-ზე მეტი ჭურვი, რომლებსაც უკრაინის საბჭოთა ეპოქის საარტილერიო სისტემები გამოიყენებენ.
დახმარების პაკეტში შევა რადიოლოკაციური სისტემები და დრონები.
დიდი ბრიტანეთის თავდაცვა წერს, რომ უკრაინაში უკვე გაგზავნილია 7, 900 ერთეული NLAW, Javelin, Brimstone და სხვა ტიპის ტანკსაწინააღმდეგო შეიარაღება, 16 00 საარტილერიო ჭურვი და ექვსი საზენიტო-სარაკეტო დანადგარი Stormer-ი, მისთვის საჭირო Starstreak-ის ასობით რაკეტასთან ერთად.
Stormer HVM – ეს არის ახლო მანძილზე მოქმედი საზენიტო–სარაკეტო კომპლექსი, რომელსაც რაკეტებისთვის განკუთვნილი 8 კონტეინერი აქვს და რომელსაც ბრიტანეთის არმია 1997 წლიდან იყენებს.
Stormer-ი დაბალ სიმაღლეზე მყოფი ვერტმფრენებისა და თვითმფრინავების გასანადგურებლადაა შექმნილი, მის სახურავზე კი განთავსებულია გამაფრთხილებელი სისტემა, რომელიც განსაზღვრავს საჰაერო საფრთხეს, მტრის სამიზნეებსა და პრიორიტეტებს.
კომპლექსის სიჩქარე საათში 80 კილომეტრია და მას 3 კაციანი ეკიპაჟი სჭირდება.
მთავარი ფოტო: Stormer HVM/ფოტო: უკრაინის თავდაცვა
