პრემიერ-მინისტრი ირაკლი ღარიბაშვილი დეოლიგარქიზაციასთან დაკავშირებით ფეისბუქზე განცხადებას ავრცელებს. იგი წერს, რომ თავს ვალდებულად მიიჩნევს, გამოეხმაუროს „შიდა თუ გარე პოლიტიკური ოპონენტების მიერ აგორებულ კამპანიას ე.წ. დეოლიგარქიზაციის შესახებ“.
ვრცელ განცხადებაში ღარიბაშვილი წერს, რომ მის ოჯახს აქვს კონტაქტი ივანიშვილის ოჯახთან და ამის მაგალითად მოჰყავს ის, რომ მისმა ცოლმა ივანიშვილის ცოლისგან რჩევები მიიღო, თავად კი ბერასთან პირადი მეგობრობით ამაყობს.
„განსაკუთრებულად ვამაყობ ბერასთან ჩემი პირადი მეგობრობით.
საზოგადოებას მინდა განვუმარტო, რომ ამ ურთიერთობების გათვალისწინებით, ჩვენს ოჯახებს აქვთ პერიოდული კომუნიკაცია ერთმანეთთან.
მაგალითად, ცოტა ხნის წინ ჩემმა მეუღლემ მიიღო რჩევები ბიძინა ივანიშვილის მეუღლისგან გარკვეულ სამედიცინო საკითხთან დაკავშირებით. მსგავსი კომუნიკაცია ბიძინა ივანიშვილთან პერიოდულად მეც რომ მქონდეს, ბუნებრივია, ვერც ამაში იქნება რაიმე დასაძრახი“, – წერს ღარიბაშვილი.
______________
ფოტო: EPA-EFE/YVES HERMAN
