ნეტგაზეთი • RU

თურქეთში, ხოფასთან, ავტობანზე კლდე ჩამოიშალა, არის მსხვერპლი

დღეს, პირველ ივლისს, თურქეთში, ქალაქ ხოფასთან, ავტობანზე კლდე ჩამოიშალა. უზარმაზარი ლოდები ტრაილერების რიგს დაეცა. როგორც თურქული გამოცემა წერს, შემთხვევის შედეგად დაიღუპა ერთი ადამიანი, ორი კი მძიმედ დაშავდა. დაშავებულები საავადმყოფოში არიან გადაყვანილები.

შემთხვევა საზღვრისპირა ქალაქ ქემალფაშასა და ხოფას შორის მდებარე ავტობანზე, დაახლოებით დილის 8 საათზე მოხდა. გავრცელებული ინფორმაციის თანახმად, დაზიანებულია ოთხი სატვირთო ავტომობილი.

შემთხვევის ადგილას იმყოფებოდნენ საქართველოს მოქალაქეებიც, წინასწარი ინფორმაციით, მათგან არავინ დაშავებულა.

ამ დროისათვის [10:30] ტრანსპორტის მოძრაობა აღდგენილია. სტიქიის ადგილას კი მიმდინარეობს გაწმენდის სამუშაოები.

ნეტგაზეთის მასალების სხვა გამოცემებში გადაბეჭდვის წესი
ავტორი