ნეტგაზეთი • RU

თურქეთში ტყეში ხანძრის გაჩენის ბრალდებით ერთი პირი დააკავეს

თურქეთში დააკავეს 34 წლის კაცი, რომელიც 21 ივნისს, მუღლას პროვინციაში, ტყის ხანძრის გაჩენაშია ეჭვმიტანილი. თურქული მედიის ცნობით, მან აღიარა, რომ ხანძარი  ტყეში მისი დაუდევრობის გამო გამო გაჩნდა.

ხანძრის მიზეზად დაკავებული ოჯახურ კონფლიქტს ასახელებს:

„ჩემი ოჯახი მიწის გადმოცემას აპირებდა, მაგრამ მოგვიანებით რატომღაც აზრი შეიცვალეს. შემდეგ ჩვენ ვიჩხუბეთ. ალკოჰოლის ზემოქმედების ქვეშ ვიყავი, ვიყიდე ბენზინი და წავედი ტყეში ცეცხლის დასანთებად“ – ციტირებს მას თურქული მედია. 

თურქეთში, მუღლას პროვინციაში მეხანძრეები ხანძარს უკვე მეოთხე დღეა ებრძვიან. თურქეთის მთავრობა აცხადებს, რომ ხანძრის ლოკალიზება შესაძლებელია, მაგრამ პროცესს ხელს ძლიერი ქარი უშლის. 

მედიის ცნობით, უსაფრთხოების მიზნით პოლიციამ ჩაკეტა გზატკეცილი მარმარისსა და დატჩას მიდამოებში. ტერიტორიიდან დაახლოებით 274 მოქალაქის ევაკუაცია მოხდა.

______________

ფოტო: კადრი ვიდეომასალიდან

ნეტგაზეთის მასალების სხვა გამოცემებში გადაბეჭდვის წესი
მარიკა ბოლქვაძე