ლუგანსკის რეგიონული სამხედრო ადმინისტრაციის ხელმძღვანელი სერგეი დღეს, 24 ივნისს, წერს, რომ უკრაინის არმიას სევეროდონეცკის დატოვება მოუწევს.
„სამწუხაროდ, ჩვენ მოგვიწევს სამხედროების გაყვანა სევეროდონეცკიდან, რადგან პოზიციებზე ყოფნას აზრი არ აქვს: დაღუპულთა რიცხვი იზრდება“ – წერს გაიდაი ტელეგრამზე.
გაიდაის თქმით, ქალაქ სევეროდონეცკში, რომელსაც რუსეთის არმია უკვე ოთხი თვეა ბომბავს, შენობების 90% დანგრეულია ან დაზიანებულია.
გაიდაი ასევე წერს, რომ რუსმა სამხედროებმა აიღეს სოფელი ნიკოლაევკა, ლისიჩანსკის სამხრეთ-დასავლეთით, ბახმუტ-ლისიჩანსკის გზასთან.
დღეს, 11:30 საათზე გაიდაიმ მოკლე ვიდეო გამოაქვეყნა ტელეგრამზე წარწერით – „ბოლო ბრძოლები სევეროდონეცკისთვის ქალაქის ინდუსტრიულ ზონაში“.