უკრაინული მედიის ცნობით, რუსი სამხედროების მიერ ოკუპირებულ ქალაქ ხერსონში ააფეთქეს ადგილობრივი კოლაბორაციონისტის, დიმიტრი სავლუჩენკოს მანქანა. წინასწარი ინფორმაციით, იგი ადგილზე დაიღუპა.
„ხერსონის რეგიონული სამხედრო ადმინისტრაციის უფროსის მრჩეველმა სერხი ხლანმა სავლუჩენკოს ლიკვიდაციას უწოდა “უკრაინელი პარტიზანების გამარჯვება” – წერს უკრაინული მედია.
ხერსონელი ჟურნალისტის, დმიტრი კაზანსკის ინფორმაციით, სავლუჩენკო მედვედჩუკის პარტიის წევრი და მრავალი წლის განმავლობაში ღიად ეწეოდა ქალაქში ანტიუკრაინულ საქმიანობას, რუსეთში სრულმასშტაბიანი შემოჭრის დაწყებისთანავე კი მან დაიწყო თანამშრომლობა რუს ოკუპანტებთან.
უკრაინის ქალაქი ხერსონი რუსმა ოკუპანტებმა 2 მარტს აიღეს. მიუხედავად ამისა, ხერსონში თავისუფალი უკრაინის მხარდასაჭერად და ოკუპაციის გასაპროტესტებლად პერიოდულად იმართებოდა აქციები. ხერსონში მოქალაქეებს რუსულ პასპორტებს ურიგებენ. რუსეთი გეგმავდა ამ რეგიონში რეფერენდუმის ჩატარებას და დამოუკიდებლობის გამოცხადებას, თუმცა ჯერჯერობით ეს ვერ მოახერხა.
