УНИАН-ის ინფორმაციით, ხერსონში აფეთქდა ავტომანქანა, რომელშიც რუსეთის მიერ ოკუპირებული ხერსონის ციხის უფროსი ევგენი სობოლევი იმყოფებოდა. რუსეთ-უკრაინის ომის შემდეგ, ის ოკუპანტებთან თანამშრომლობდა.
წყაროს ცნობით, ავტომანქანა დროებით ოკუპირებულ ხერსონში სენიავინის ქუჩაზე აფეთქდა. ასაფეთქებელი მოწყობილობა ხეზე იყო მიმაგრებული.
„უკრაინის ანტიკორუფციული ბიუროს (NABU) ყოფილმა აგენტმა ევგენი შევჩენკომ განაცხადა, რომ აფეთქების შედეგად, 90-ე სასჯელაღსრულების კოლონიის ხელმძღვანელი ევგენი სობოლევი ლიკვიდირებულია. ჩვენ ველოდებით დადასტურებას“-იტყობინება УНИАН-ი.
ამავე წყაროს ცნობით, რუსმა სამხედროებმა თავდასხმაში „უკრაინელი პარტიზანები“ დაადანაშაულეს და მომხდარს „მკვლელობის მცდელობა“ უწოდეს.
ხერსონში კოლაბორაციონისტი ციხის უფროსის მანქანა ააფეთქეს.
