ნეტგაზეთი • RU

ბათუმის „დინამოს“ მეტოქე ბრატისლავას „სლოვანი“ იქნება – ჩემპიონთა ლიგის I საკვალიფიკაციო ეტაპი

ჩემპიონთა ლიგის პირველ საკვალიფიკაციო ეტაპზე „დინამო ბათუმის“ მეტოქე ბრატისლავას საფეხბურთო კლუბი „სლოვანი“ იქნება.

პირველი საკვალიფიკაციო ეტაპის მატჩები 5-6 ივლისს გაიმართება, საპასუხო მატჩები კი – 12-13 ივლისს.

ისტორიაში პირველად „დინამო ბათუმი“ საქართველოს 2021 წლის ჩემპიონია.

„დინამო ბათუმის“ შემადგენლობაში აღარ იქნება ხვიჩა კვარაცხელია, რომელიც ნაპოლში მიდის. პირველი საკვალიფიკაციო ეტაპის მატჩებში მონაწილეობას მიიღებს ზურიკო დავითაშვილი, რომელიც „დინამო ბათუმში“ ტულის “არსენალიდან” გადმოვიდა.

„დინამო ბათუმის“ მეტოქე გუნდის მთავარი მწვრთნელი ვლადიმერ ვაისია, ის 2016-2020 წლებში საქართველოს ეროვნული ნაკრების მწვრთნელი იყო.

ამავე კლუბში თამაშობენ ქართველი ფეხბურთელები – საქართველოს ნაკრების კაპიტანი გურამ კაშია და ნაკრების ყოფილი კაპიტანი ჯაბა კანკავა.

წილისყრა დღეს, 14 ივნისს, ნიონში, უეფას შტაბ-ბინაში გაიმართა.

ნეტგაზეთის მასალების სხვა გამოცემებში გადაბეჭდვის წესი
ავტორი