მთავარი,სიახლეები

ლატვიაში ყველა რუსული ტელეარხი აკრძალეს

06.06.2022 • 1425
ლატვიაში ყველა რუსული ტელეარხი აკრძალეს

ლატვიაში ყველა რუსული არხის, – მათ შორის გასართობის, – მაუწყებლობა აიკრძალა. როგორც ადგილობრივი გამოცემა „დელფი“ იუწყება, შესაბამისი გადაწყვეტილება ელექტრონული მედიასაშუალებების ეროვნულმა საბჭომ (NEPLP) მიიღო.

საბჭოს თავმჯდომარის, ივარ აბოლინიშის თქმით, გადაწყვეტილება ახალი საკანონმდებლო ნორმის საფუძველზეა მიღებული.

26 მაისს მიღებულები ცვლილებების თანახმად, ლატვიაში არ შეიძლება არხების მაუწყებლობა, რომლებიც დარეგისტრირებული არიან ქვეყანაში, რომელიც სხვა სახელმწიფოს დამოუკიდებლობასა და ტერიტორიულ მთლიანობას ემუქრება.

საბჭოს გადაწყვეტილება ძალაში 9 ივნისიდან შევა და იქამდე იმოქმედებს, სანამ „რუსეთი არ შეაჩერებს ომს და არ დააბრუნებს ყირიმს“.

აკრძალვა 80 ტელეარხს შეეხო. აქამდე, ლატვიაში მხოლოდ რუსული პროპაგანდისტული არხები („რასია 24“ და სხვები) იყო აკრძალული.


მთავარი ფოტო: EPA/Anatoly Maltsev 

გადაბეჭდვის წესი


ასევე: