ბალტიის ზღვაში ნატოს 14 ქვეყანა და ალიანსის ორი პარტნიორი – ფინეთი და შვედეთი წვრთნებს გამართავენ. ნატოს მოკავშირეთა საჰაერო სარდლობის ცნობით, წვრთნებში მონაწილეობას მიიღებს 7000-ზე მეტი მეზღვაური, მფრინავი და საზღვაო ქვეითი, 75 თვითმფრინავი და 45 ხომალდი.
წვრთნები, სახელწოდებით – BALTOPS 22, დაიწყება 5 ივნისს და 17 ივნისამდე გასტანს.
წვრთნები შვედეთში, სტოკჰოლმის სანაპიროსთან დაიწყება და კიოლნთან, გერმანიაში დასრულდება.
ნატოს მოკავშირეთა საჰაერო სარდლობის ცნობით, წვრთნებს ორი ეტაპი ექნება: საბრძოლო გაძლიერების სწავლება და ძალების ინტეგრაციის ტრენინგი საჰაერო თავდაცვის სეგმენტთან ერთად.
___________________________
ფოტოზე: ნატოს ხომალდები ბალტიის ზღვაში.