ნეტგაზეთი • RU

გაზი ბიზნესისთვის 23 თეთრით ძვირდება პირველი ივლისიდან

2022 წლის პირველი ივლისიდან შპს „სოკარ ჯორჯია გაზის“ და „საქორგგაზის“ საცალო არასაყოფაცხოვრებო (კომერციული) მომხმარებლებისთვის გაზი 23 თეთრით ძვირდება.

ამჟამად არასაყოფაცხოვრებო მომხმარებლებისთვის გაზის ტარიფი 1.15 ლარია, „სოკარის“ ცნობით კი, პირველი ივლისიდან, 1მ3 ბუნებრივი გაზის ფასი იქნება 1 ლარი და 38 თეთრი, დღგ-ს ჩათვლით.

„ბუნებრივი გაზის ბაზარზე არსებული რეალობის შესაბამისობაში მოყვანის მიზნით, რაც განპირობებულია მსოფლიო ბაზარზე ენერგომატარებლებზე ფასების მკვეთრი ცვლილებით, მიღებულ იქნა გადაწყვეტილება არასაყოფაცხოვრებო მომხმარებლებისათვის ბუნებრივი გაზის ფასის კორექტირებაზე.

უცვლელი რჩება საყოფაცხოვრებო ტარიფი, რომელიც საქართველოს ენერგეტიკისა და წყალმომარაგების მარეგულირებელი ეროვნული კომისიის მიერ არის დადგენილი 2023 წლამდე“ – აცხადებს „სოკარი“.

გაზის ტარიფი არასაყოფაცხოვრებო მომხმარებლებისთვის ბოლოს 2021 წლის პირველი დეკემბერს გაიზარდა 20 თეთრით და 1 ლარი და 15 თეთრი გახდა.

ბიზნესისთვის ბუნებრივი გაზი 20 თეთრით ძვირდება – „სოკარი“

 

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com