ისრაელი თავისი ტექნოლოგიებით წარმოებულ ტანკსაწინააღმდეგო რაკეტებს უკრაინას აღარ მიაწვდის. ინფორმაციას УНИАН-ი ავრცელებს ვირჯინიის შტატის, ამერიკულ გამოცემა Axios-ზე დაყრდნობით.
ისრაელის თავდაცვის სამინისტროს გენერალურმა დირექტორმა, ამირ ეშელმა ხაზგასმით აღნიშნა, რომ ისრაელი ამ ნაბიჯს არ გადადგამს და უკრაინას მიაწვდის მხოლოდ არალეტალურ სამხედრო ტექნიკას.
აშშ-ისა და ისრაელის ოფიციალური პირების თქმით, ისრაელის ხელისუფლებამ უარყო აშშ-ის თხოვნა, რომ უკრაინას მიეღო გერმანიაში ისრაელის ტექნოლოგიებით წარმოებული ტანკსაწინააღმდეგო Spike რაკეტები.
Spike ტიპის ტანკსაწინააღმდეგო რაკეტებს გერმანიაში აწარმოებენ, ისრაელის ქარხანაში და გადატანის შემთხვევაში ისრაელის ნებართვაა საჭირო.
ისრაელის თავდაცვის სამინისტროს წარმომადგენელი ამირ ეშელი ორი კვირის წინ ვაშინგტონში შეხვდა აშშ-ის თავდაცვის მდივნის მოადგილეს პოლიტიკის საკითხებში კოლინ კალს, რათა განეხილათ ქვეყნებს შორის უსაფრთხოებისა და თანამშრომლობის საკითხები.
ამირ ეშელის თქმით, თელ-ავივი შეშფოთებულია, რომ რუსი ჯარისკაცები ისრაელის წარმოების იარაღით დაიღუპებიან, რის შედეგადაც შეიძლება რუსეთმა ზიანი მიაყენოს ისრაელის უსაფრთხოებას სირიაში.
