მთავარი,სიახლეები

რუსეთი საჰაერო-სადესანტო ძალებს უკრაინაში არასწორად იყენებს – ბრიტანეთის დაზვერვა

26.05.2022 • 1096
რუსეთი საჰაერო-სადესანტო ძალებს უკრაინაში არასწორად იყენებს – ბრიტანეთის დაზვერვა

რუსეთმა ვერ შეძლო უკრაინაში თავისი საჰაერო-სადესანტო ძალების სწორად გამოყენება, რამაც ის ბევრ ელიტურ დანაყოფში სერიოზულ დანაკარგებამდე მიიყვანა – ასე აფასებს დიდი ბრიტანეთის დაზვერვა რუსეთის სამხედრო-საჰაერო ძალების მდგომარეობას და იმ მიზეზებისაც მიუთითებს, რამაც, მისი აზრით, რუსეთის წარუმატებლობას შეუწყო ხელი.

26 მაისის განახლებაში, ტვიტერზე, უწყება აღნიშნავს, რომ რუსეთის საჰაერ-სადესანტო ძალებს, სამხედრო აგრესიის დაწყების პირველი დღეებიდანვე, არაერთი მნიშვნელოვანი ტაქტიკური ჩავარდნა ჰქონდათ. მათ შორის, გოსტომელის აეროდრომიდან კიევზე შეტევა, იზიუმის მიმართულებაზე შენელებული პროგრესი და ახლანდელი წარუმატებელი შეტევა მდინარე სევეროდონეცკთან.

დაზვერვა მიუთითებს, რომ რუსეთის დოქტრინა საჰაერო-სადესანტო ძალების ყველაზე რთულ ოპერაციებში გამოყენებას გულისხმობს. 45 000 კაციანი შემადგენლობა, ძირითადად, კონტრაქტზე მომუშავე პროფესიონალებითაა დაკომპლექტებული. მისი წევრები ელიტური სტატუსით სარგებლობენ და დამატებით ხელფასსაც იღებენ.

„საჰაერო-სადესანტო ძალებს რუსეთი იყენებდა მისიებში, რომლებიც უფრო შესაფერისი იყო მექანიზებული ქვეითი ჯარისთვის. ეს სავარაუდოდ, მიანიშნებს ამ სამხედრო პოტენციალის არასწორ მართვაზე და რუსეთის მარცხზე, მოეპოვებინა უპირატესობა ჰაერში“ – წერს ბრიტანეთის დაზვერვა.

უწყების მოსაზრებით, უკრაინაში რუსეთის საჰაერო-სადესანტო ძალების არასწორი გამოყენება აჩვენებს იმასაც, რომ ბოლო 15 წლის განმავლობაში, შეიარაღებულ ძალებში ჩადებული სერიოზული ინვესტიციების შედეგად, პუტინმა, სრულიად დაუბალანსებული ძალა მიიღო.

„რუსი მეთაურების თვითკმაყოფილებამ და იმან, რომ რუსეთმა სათანადოდ ვერ შეაფასა უკრაინის წინააღმდეგობა, მის ელიტურ დანაყოფებში სერიოზული დანაკარგები გამოიწვია“, – აღნიშნავს გაერთიანებული სამეფოს დაზვერვა.

დიდი ბრიტანეთის თავდაცვა უკრაინაში მიმდინარე მოვლენების განახლებას ყოველდღიურად აქვეყნებს. 25 მაისის პოსტში, დაზვერვა რუსეთის მიერ უკრაინის შავი ზღვის პორტების ბლოკადაზე წერდა და გამოთქვამდა ვარაუდს, რომ ბლოკადის გამო მსოფლიოში ძირითად პროდუქტებზე ფასების ზრდა კვლავაც გაგრძელდება.

გადაბეჭდვის წესი


ასევე: