გაერთიანებული სამეფოს დაზვერვის უახლესი მონაცემების თანახმად, კიევის ჩრდილოეთით მდებარე ჩერნიგოვის რეგიონში, რუსეთის თავდასხმისა და უკან დახევის შემდეგ, დაახლოებით 3500 დაზიანებული და განადგურებული შენობაა აღრიცხული. აღნიშნული შენობების 80% საცხოვრებელია.
ბრიტანული დაზვერვის შეფასებით, მიყენებული ზიანის მასშტაბი მიუთითებს რუსეთის წინასწარ მზაობაზე გამოეყენებინა არტილერია დასახლებულ პუნქტებში – გარჩევისა და პროპორციულობის მინიმალური გათვალისწინებით.
როგორც გაერთიანებული სამეფოს დაზვერვის მონაცემებში ვკითხულობთ, სავარაუდოდ რუსეთმა მიმართა განურჩეველი საარტილერიო დაბომბვის სტრატეგიას მისი ლიმიტირებული ზუსტი დამიზნების შესაძლებლობებისა და იმის გათვალისწინებით, რომ არ სურდა გაერისკა საბრძოლო თვითმფრინავების ხშირი ფრენა თავისი ფრონტის მიღმა.
ბრიტანული დაზვერვის შეფასებით, უახლოეს კვირებში რუსეთი, სავარაუდოდ, გააგრძელებს მასობრივ საარტილერიო დარტყმებს, რადგან ის ცდილობს დაიბრუნოს თავისი წარმატების იმპულსი დონბასში.
