ნეტგაზეთი • RU

ზელენსკიმ მედლით დააჯილდოვა „პატრონი“, ცნობილი გამნაღმელი ძაღლი

უკრაინის პრეზიდენტმა ვოლოდიმირ ზელენსკიმ სიმამაცისთვის მედლით დააჯილდოვა ჯეკ რასელ ტერიერის ჯიშის ძაღლი, სახელად „პატრონი“, რომელმაც, უკრაინის სამაშველო სამსახურის ცნობით, 200-მდე ნაღმი აღმოაჩინა.

ჯილდო ასევე გადაეცა „პატრონის“ მფლობელს, სამოქალაქო დაცვის სამსახურის მაიორ მიჰაილო ილიევს.

ზელენსკიმ „პატრონი“ დააჯილდოვა კანადის პრემიერის, ჯასტინ ტრუდოს თანდასწრებით, რომელიც 8 მაისს კიევში იმყოფებოდა.

ფოტო: EPA-EFE/SERGEY DOLZHENKO

„პატრონი“ უკრაინის საგანგებო სიტუაციების სამსახურში „მუშაობს“. მისი საქმე ნაღმების აღმოჩენაა, რასაც იგი, საგანგებო სიტუაციების სამსახურის განცხადებით, თავს შესანიშნავად ართმევს.

ამავე თემაზე: 

„პატრონი“ – უკრაინის ყველაზე ცნობილი ძაღლი

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com