უკრაინული მედიის მიხედვით, მარიუპოლელი მიშკასა და მისი ოჯახის ისტორია გამაოგნებელია: მიშკა მხოლოდ 8 წლისაა. მისი დედა მარტში დაიღუპა… მოგვიანებით კი ბიჭი ოჯახთან ერთად სარდაფში დაიმარხა, სადაც რუსული ავიაციის დაბომბვების დროს იმალებოდნენ. ოჯახმა გადარჩენა მოახერხა.
მიშკას მამა ზრდის. კაცს მიშკას გარდა კიდევ 2 შვილი ჰყავს. სწორედ კაცმა მოახერხა გადაერჩინა თავისი შვილები, რომლებთან ერთადაც სარდაფში დაიმარხა. მან ნიჩბებით გათხარა გადასასვლელი მეზობელ სარდაფში.
„დედა მარტის თვეში გარდაიცვალა, მამას სამი შვილი დარჩა. ერთ დღესაც დაბომბეს და… 8 წლის მიშა და მისი ოჯახი სარდაფში ცოცხლად დაიმარხნენ… მამამ ნიჩაბი აიღო და მეზობელ მიწისქვეშა თავშესაფარში გადასასვლელი გამოთხარა. ასე გადარჩნენ“, – ნათქვამია შეტყობინებაში.
გადარჩენილ ბიჭს ჰკითხეს, რაზე ოცნებობს. ბავშვმა თქვა, რომ მხოლოდ ერთი სურვილი აქვს – დედა რომ გაცოცხლდეს…
მას ჰკითხეს, კიდევ ხომ არ სურს რამე. ბიჭი დაფიქრდა და თქვა, რომ „სხვა არაფერი სჭირდება“.
