ნეტგაზეთი • RU

იანვარ-მარტში თავშესაფარი 364-მა უცხოელმა მოითხოვა, მათი უმრავლესობა უკრაინელია

შინაგან საქმეთა სამინისტროს მონაცემებით, 2022 წლის პირველ სამ თვეში, საქართველოში თავშესაფრის მაძიებლად რეგისტრირებულია უცხო ქვეყნის 364 მოქალაქე. მათი უმრავლესობა, 126 პირი, უკრაინის მოქალაქეა.

2022 წლის იანვარ-მარტში საქართველოში თავშესაფრის მაძიებლად რეგისტრირებულია:

  • უკრაინის – 126
  • თურქეთის – 52
  • ირანის – 31
  • რუსეთის – 21
  • იორდანიის – 19
  • ავღანეთის – 17
  • ეგვიპტის – 16 და სხვა, სულ 33 ქვეყნის მოქალაქე.
  • 8 პირის მოქალაქეობა დაუდგენელია, ხოლო 3 – მოქალაქეობის არმქონეა.

სამინისტროს ინფორმაციით, მიმდინარე წლის სამ თვეში 194 უცხოელს სტატუსის მინიჭებაზე ეთქვა უარი. მათ შორის ეგვიპტის – 49, ერაყის – 12, თურქეთის – 40, იორდანიის – 25, ირანის – 89, ნიგერიის – 16, რუსეთის – 18 მოქალაქეს.

შსს-ს მონაცემებით, 2022 წლის იანვარ-მარტში საქართველოდან გაძევებული იქნა 40 უცხოელი.

უცხოელის საქართველოდან გაძევების შესახებ გამოტანილი გადაწყვეტილებების აღსრულების სტატისტიკა  [2022 წლის იანვარი-მარტი / მოქალაქეობის მიხედვით]:

საქართველოდან 2022 წლის იანვარ-მარტში გაძევებული უცხო ქვეყნის მოქალაქეების რაოდენობა /წყარო: შსს


სტატისტიკის ეროვნული სამსახურის მონაცემების თანახმად კი, 2021 წელს საქართველო 80 351-მა მოქალაქემ დატოვა.

იმავე პერიოდში, საქსტატის თანახმად, ქვეყანაში დაბრუნდა 39 526 მოქალაქე, რომელიც ემიგრაციაში იყო.

 

ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com