ესპანეთის საზღვაო ძალების ლოჯისტიკური ხომალდი „ისაბელი“ პოლონეთში, გდინიას პორტში შევიდა.
ესპანურმა გემმა დახმარება ჩაიტანა უკრაინის არმიისთვის – 200 ტონა იარაღი და სამხედრო აღჭურვილობა. ინფორმაციას ესპანური და პოლონური მედია ავრცელებს.
ეს არის ესპანეთის მხრიდან უკრაინისთვის გაწეული ყველაზე დიდი სამხედრო დახმარება. მედიის ცნობით, იარაღის გარდა ტვირთში შედის 30 სატვირთო და 10 მსუბუქი გამავლობის მანქანა.
ესპანეთის პრემიერ-მინისტრი პედრო სანჩესი 21 აპრილს ჩავიდა უკრაინაში. იგი რუსი ოკუპანტების მიერ განადგურებულ ქალაქში, ბოროდიანკაშიც იმყოფებოდა.
„შოკირებული ვართ ბოროდიანკას ქუჩებში პუტინის ომის საშინელებებითა და სისასტიკით. ჩვენ უკრაინელ ხალხს მარტო არ დავტოვებთ“, – განაცხადა სანჩესმა იმავე დღეს.
