ნეტგაზეთი • RU

რუსმა ჯარისკაცებმა ზაპოროჟიეში 61 ტონა ხორბალი მოიპარეს – უკრაინის პროკურატურა

უკრაინის პროკურატურის ცნობით, ზაპოროჟიეს ოლქში რუსმა ოკუპანტებმა 61 ტონა ხორბალი მოიპარეს.

პროკურატურის მიერ დღეს გავრცელებული ინფორმაციის თანახმად, 26 აპრილს შეიარაღებულმა რუსმა ჯარისკაცებმა ფიზიკური ძალადობის მუქარით გაძარცვეს ერთ-ერთი სასოფლო-სამეურნეო კომპანიის ფილიალი ქალაქ კამიანკა-დნიპროვსკაში. ოკუპანტებმა 61 ტონა ხორბალი, სატვირთო მანქანები და ფილიალის სხვა ქონება მიითვისეს.

აღძრულია სისხლის სამართლის საქმე.

24 თებერვალს რუსეთი საჰაერო, სახმელეთო და საზღვაო გზით დაესხა თავს უკრაინას. 24 თებერვლიდან დღემდე უკრაინაში იბომბება და ნადგურდება ქალაქები და სოფლები. დაფიქსირდა რუსი ჯარისკაცების მიერ მოსახლეობის ძარცვის არაერთი შემთხვევა.

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com