დღეს, 16 აპრილს, საქართველოს პრემიერ-მინისტრმა, ირაკლი ღარიბაშვილმა, ჟურნალისტის კითხვაზე, რატომ არ მიდიან ხელისუფლების წარმომადგენლები უკრაინაში დაღუპული ქართველი მეომრების სამძიმარზე, განაცხადა, რომ ის ყველაფერს აკეთებს, როგორც ხელისუფალი და სხვა ყველაფერი სპეკულაციაა.
„მე კიდევ ერთხელ გირჩევთ…. დაღუპული მეომრების სახელით სპეკულირება არის უზნეო საქციელი.
რაც მევალებოდა მე, როგორც ხელისუფალს და მთავრობას, ყველაფერი გავაკეთე. დაწყებული მათი გადმოსვენებიდან, მათი ღირსეული სამხედრო წესით და პატივით დაკრძალვით [დასრულებული].
დანარჩენი ყველაფერი უბრალოდ არის სპეკულაციები. კიდევ ერთხელ ვუსამძიმრებ მათ ოჯახებს“ – თქვა ღარიბაშვილმა.
