კუნძულ ფიჯიზე რუსი ოლიგარქის, სულეიმან კერიმოვის ძვირადღირებული იახტა დააპატიმრეს.
კერიმოვის სუპერიახტის, Amadea-ს ღირებულება 325 მილიონი დოლარია.
მედიის ცნობით, იახტა გამოძიების ფარგლებში დააპატიმრეს და გაჩხრიკეს. ასევე, დააკავეს იახტის კაპიტანი და ეკიპაჟი.
გემს ფიჯის დატოვების უფლება ექნება გამოძიების დასრულების შემდეგ.
კერიმოვი, რომელიც რუსეთის პრეზიდენტ პუტინთან დაახლოებულ პირად მიიჩნევა, არის რამდენიმე რუს ოლიგარქს შორის, რომლებსაც აშშ-ში, ევროკავშირსა და დიდ ბრიტანეთში სანქციები დაუწესეს რუსეთის უკრაინაზე თავდასხმის გამო.
Forbes-ის ბოლო მონაცემებით, კერიმოვი სიმდიდრის მიხედვით მეათე ადამიანია რუსეთში, მისი ქონება 15 მილიარდ ევროს აღემატება.
___________
ფოტოზე: იახტა „ამადეა“. ფოტო: yachtharbour.com