მთავარი,სიახლეები

„დაგვყარეს აქ და გვითხრეს დაიხოცეთო“ – ჯარისკაცები დონეცკიდან და ლუგანსკიდან I ვიდეო

29.03.2022 • 8131
„დაგვყარეს აქ და გვითხრეს დაიხოცეთო“ – ჯარისკაცები დონეცკიდან და ლუგანსკიდან I ვიდეო

დონეცკისა და ლუგანსკის ოლქებიდან ომში ჩართული ჯარისკაცების ვიდეომიმართვას ავრცელებენ და ითხოვენ, რომ ისინი უკან დააბრუნონ. ახალგაზრდები სამხედრო ფორმაში საუბრობენ, რომ ისინი მოტყუებით აღმოჩნდნენ სუმში, სადაც აქტიური სამხედრო მოქმედებები მიმდინარეობს. ვიდეო ტელეგრამარხზე 28 მარტს გავრცელდა.

„ჩვენ ჩვეულებრივი სამხედროები ვართ დონბასიდან, ჩვეულებრივი მშრომელები. ქარხნის მუშები. აღმოვჩნდით რუსეთის ტერიტორიაზე იარაღით, 18 წლის ასაკის ბავშვები. რას ვაკეთებთ აქ? ბევრი დაიღუპა. არის იუთუბიზე ვიდეო, სადაც ჩვენი მეგობრები აიყვანეს ტყვედ. ჩვენგან დაიღუპა ძალიან ბევრი“, – ისმის ვიდეოში.

სამხედრო ფორმაში ჩაცმული ადამიანები აცხადებენ, რომ ისინი სასიკვდილოდ არიან განწირულები, რადგან მოწინააღმდეგესთან შედარებით სათანადო შეიარაღებაც კი არ აქვთ და დახმარებას ითხოვენ:

„ჩვენ აქ რას ვაკეთებთ, უნდა იცოდეთ სიმართლე. რუსეთის თავდაცვის სამინისტროში წარმოდგენა არ აქვთ, ჩვენ აქ რას ვაკეთებთ…

ჩვენ უკანალში გადაგვისროლეს, აქ უკანონოდ, იარაღით, უსაბუთოდ. დაგვაბრუნეთ უკან, დონბასში. ჩვენ საზარბაზნე ხორცი ვართ. ჩვენ ავტომატებით დაგვაყენეს ზარბაზნების, გრადებისა და ნაღმტყორცნების წინააღმდეგ. გთხოვთ გაავრცელოთ… ჩვეულებრივი სტუდენტები არიან. ყველა დაგვყარეს იქ და გვითხრეს დაიხოცეთო“.

ვიდეოს დასასრულს ჯარისკაცები ასახელებენ იმ სამხედრო შენაერთს, რომელსაც  მიეკუთვნებიან: „119-ე დივიზია, მე-4 ბატალიონი, პირველი და მეორე დანაყოფი“.

რუსეთმა 24 თებერვალს სრულმასშტაბიანი ომი წამოიწყო უკრაინაში. მოლაპარაკების რამდენიმე რაუნდის მიუხედავად, ომის შეჩერება ჯერჯერობით ვერ ხერხდება. განსაკუთრებით მძიმე ვითარებაა ქალაქ მარიუპოლში.

___

ომის პირობებში შეუძლებელია გადამოწმება, რამდენად ზუსტია გავრცელებული ინფორმაცია.
___
ამავე თემაზე:

___

ომის გამო ინფორმაციის გადამოწმება ვერ ხერხდება.

გადაბეჭდვის წესი


ასევე: