საერთაშორისო მედიის ცნობით, რუსეთს უკრაინაში გადაჰყავს სამხედრო ძალები საქართველოს ოკუპირებული ტერიტორიებიდან, აფხაზეთიდან და სამხრეთ ოსეთიდან. ამის შესახებ ინფორმაციას ავრცელებენ „ბიბისი“, „ვაშინგტონ პოსტი“ და „სიენენი“ წყაროებზე დაყრდნობით.
„ვაშინგტონ პოსტი“ პენტაგონზე დაყრდნობით წერს, რომ რუსეთი უკრაინისთვის სამხედრო ძალების მობილიზებას იწყებს, რადგან მსხვერპლი იზრდება. გამოცემის ცნობით, არის ცნობები, რომ რუსეთს საქართველოს ოკუპირებულ ტერიტორიებზე არსებული ძალები გადაჰყავს, თუმცა ზუსტი რიცხვი არ სახელდება.
იგივე ინფორმაციას ავრცელებს CNN-იც. აშშ-ს თავდაცვის მაღალჩინოსნის თქმით, რუსი სამხედროები საქართველოდან უკრაინაში გამაგრების მიზნით გადაჰყავთ – წერს გამოცემა.
______________
ფოტოზე: 2008 წლის 8 ოქტომბერი. რუსეთის შეარაღებული ძალები საქართველოს ტერიტორიაზე. ფოტო: ევროპის პრესფოტო სააგენტო. EPA/ZURAB KURTSIKIDZE
