ესპანეთში დააკავეს იახტა, რომელიც, სავარაუდოდ, რუსული ნავთობის გიგანტის, „როსნეფტის“ აღმასრულებელ დირექტორს, იგორ სეჩინს ეკუთვნის. ინფორმაციას „როიტერსი“ ავრცელებს.
საუბარია 135 მეტრის სიგრძის იახტაზე, რომელიც მსოფლიოში ერთ-ერთ ყველაზე დიდ იახტად მიიჩნევა და მისი სავარაუდო ღირებულება, მედიის ცნობით, 600 მლნ აშშ დოლარია.
წყარომ ესპანეთის პოლიციდან „როიტერს “განუცხადა, რომ იახტა ეკუთვნის სეჩინს, რუსეთის პრეზიდენტის, ვლადიმერ პუტინის ახლო მოკავშირეს, რომელიც შეერთებული შტატების, დიდი ბრიტანეთისა და ევროკავშირის მიერ დაწესებული სანქციების სიაშია.
სეჩინს კიდევ ერთი იახტა საფრანგეთის ხელისუფლებამ 4 მარტს ჩამოართვა.
_______________________________
სეჩინის იახტა. ფოტო: yachtharbour.com
