ნეტგაზეთი • RU

50 და მეტი წლის ადამიანები 200 ლარს მიიღებენ, თუ 31 მარტამდე აიცრებიან

საქართველოს ჯანდაცვის სამინისტროს ინფორმაციით, კორონავირუსის ვაქცინაციის წახალისების პროგრამა მარტის ბოლომდე გაგრძელდება.

სამინისტროს ინფორმაციით, 200-ლარიან ერთჯერად დანამატს ავტომატურად მიიღებს 50 წლის და მეტი ასაკის ყველა ის მოქალაქე, ვინც 2022 წლის 31 მარტის ჩათვლით COVID-19-ის საწინააღმდეგო ვაქცინის პირველი დოზით აიცრება.

ამავე ასაკობრივი ჯგუფის პირები ბუსტერ დოზით აცრის შემთხვევაში 100 ლარს მიიღებენ.

მოქალაქეებისთვის თანხის ჩარიცხვას სოციალური მომსახურების სააგენტო უზრუნველყოფს.

„რაც შეეხება იმ მოქალაქეებს, რომელთა ასაკი საპენსიო ასაკს არ მიეკუთვნება, სოციალური მომსახურების სააგენტო, „ლიბერთი ბანკთან“ არსებული ხელშეკრულების ფარგლებში მათ ანგარიშებს თავად გაუხსნის,“ – აცხადებს სამინისტრო.

ვაქცინაციისთვის ვიზიტის დაჯავშნა შესაძლებელია ელექტრონულ პორტალზე , თუმცა აცრა შესაძლებელია წინასწარი რეგისტრაციის გარეშეც.

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com