ნეტგაზეთი • RU

ბათუმის აეროპორტში დიდი ოდენობით არადეკლარირებული თანხა გამოავლინეს – შემოსავლები

შემოსავლების სამსახურის ინფორმაციით, საბაჟო გამშვებ პუნქტში „ბათუმის აეროპორტი“, მებაჟე ოფიცრებმა, ეჭვის საფუძველზე, ისრაელის მოქალაქეების დ.ი.-სა და ს.ვ.-ს კუთვნილი ხელბარგის დათვალიერების შედეგად, არადეკლარირებული თანხა, ჯამში, 95 300 აშშ დოლარი, 1 100 ევრო, 27 030 ებრაული შეკელი და 2 375 ქართული ლარი გამოავლინეს.

არადეკლარირებული თანხის საერთო რაოდენობამ, ეროვნული ბანკის გაცვლითი კურსის მიხედვით, 327 980 ლარი შეადგინა.

„საქართველოს საბაჟო კოდექსის 169-ე მუხლის მე-3 ნაწილის შესაბამისად, კანონდამრღვევ მოქალაქეებს, სანქციის სახით, ფულადი ჯარიმა, საერთო ჯამში, [არადეკლარირებული თანხის 10 %-ის ოდენობით] 32 798 ლარი შეეფარდათ.“ – აღნიშნულია შემოსავლების სამსახურის მიერ გავრცელებულ ინფორმაციაში.

ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com