ბათუმის ახალ ბულვარში პრომინადის ნაწილი ჩაინგრა, რის გამოც „ბათუმის წყლის“ მძიმე ტექნიკა, რომელიც ამ ტერიტორიაზე გადაადგილდებოდა, სანაპიროზე გადავარდა.
ახალი ბულვარის ზღვისპირა ზოლი შტორმისგან არის დაზიანებული და მიტაცებული.
ძლიერი წვიმის დროს ზღვა რეცხავს ახალი ბულვარის ნაპირს. წელს ზღვამ პირსის ნაწილიც დაშალა და დააზიანა მიმდებარე ინფრასტრუქტურა ბულვარში.
დღეს, 8 მარტს, ბათუმში ისევ წვიმს. ამინდის პროგნოზით, ხვალ ზღვაზე 4-ბალიანი შტორმია მოსალოდნელი.