უკრაინის თავდაცვის მინისტრის, ოლექსი რეზნიკოვის ინფორმაციით, „გავიდა გმირული წინააღმდეგობის თერთმეტი დღე“ და უცხოეთიდან უკრაინაში საბრძოლველად უკვე 140 000-ზე მეტი უკრაინელი დაბრუნდა. ისინი უკრაინის დასაცავად თავდაცვის ძალებს შეუერთდნენ.
რეზნიკოვის თქმით, უკვე 20 000-ზე მეტი უცხოელიც მზად არის ჩავიდეს უკრაინაში და „დაიცვას მსოფლიო უკრაინის ფრონტზე რუსი ნაცისტებისგან, კრემლის ბოროტება რომ არ გავრცელდეს“.
უკრაინის თავდაცვის მინისტრი ამბობს, რომ კომენტარს არ გააკეთებს იარაღისა და საბრძოლო მასალის მიწოდებაზე – „ეს დელიკატური საკითხია“. „ბოლო 3 დღის განმავლობაში უკრაინაში შემოვიდა 50 000-ზე მეტი ჩაფხუტი და ტყვიაგაუმტარი ჟილეტი.
ჩვენ ვმუშაობთ პარტნიორებისგან საჰაერო თავდაცვისა და რაკეტსაწინააღმდეგო თავდაცვის სფეროში დახმარების მიღებაზე“. – წერს უკრაინის თავდაცვის მინისტრი.
