გამოცდების ეროვნული ცენტრის ინფორმაციით, სტუდენტთა საგრანტო კონკურსზე რეგისტრაცია 7 მარტს დაიწყება და 4 აპრილამდე გაგრძელდება.
საგრანტო კონკურსით სტუდენტებს შესაძლებლობა აქვთ გაიუმჯობესონ ან მოიპოვონ სწავლის დაფინანსება.
გამოცდების ცენტრის თქმით, საგრანტო კონკურსში მონაწილეობის უფლება აქვთ იმ სტუდენტებსაც, რომლებსაც შეწყვეტილი აქვთ სტუდენტის სტატუსი და სურთ სწავლის დაფინანსების მოპოვება.
ცენტრის თქმით, თუ მონაწილე ვერ შეძლებს გრანტის გაუმჯობესებას, მას შეუნარჩუნდება ის დაფინანსება, რაც სტუდენტთა საგრანტო კონკურსში გასვლამდე ჰქონდა.
