როგორ ზრუნავენ უკრაინაში ომის დროს ცხოველებზე

უკრაინაში უკვე შვიდი დღეა ომია. იმის გამო, რომ რუსეთის შეიარაღებული ძალები მშვიდობიან მოსახლეობასაც ბომბავს, ათასობით ადამიანი იძულებული გახდა თავი მეტროს ან სხვა შენობების სარდაფებს შეეფარებინა. მათთან ერთად აფარებენ თავს მათი შინაური ცხოველებიც.

ბოლო ინფორმაციით, პოლონეთი, რუმინეთი და სლოვაკეთი უკრაინელებს ნებას რთავენ შინაური ცხოველები საზღვარზე ვეტერინარული დოკუმენტაციის გარეშე გადაიყვანონ.

უკრაინაში საომარი მოქმედებების დროსაც რჩებიან ცხოველთა უფლებადამცველი ორგანიზაციები და მოხალისეები, რომლებიც საკვებისა და წამლების გარეშე დარჩენილ ცხოველებზე ზრუნავენ.

ერთ-ერთი ასეთი ორგანიზაციაა UAnimals-ი, რომელიც თანხას აგროვებს თავშესაფრის გარეშე დარჩენილი ცხოველების საკვებისთვის:

„ჩვენ ვაგრძელებთ თავშესაფრებისა და სარეაბილიტაციო ცენტრების დახმარებას.

მდგომარეობა ძალიან რთულია.

თავშესაფრები რჩებიან ფულისა და საკვების, ზოგან კი წყლის გარეშედაც. რეაგირება საჭიროა მაქსიმალურად სწრაფად, რადგან საკვები ქრება გაყიდვიდან.

სამწუხაროდ, ევროპიდან დახმარების ლოგისტიკა გართულებულია. ჯერჯერობით ამას ჩვენ ვაკეთებთ. გთხოვთ, დაგვეხმარეთ შეგროვებაში.” – წერს ორგანიზაცია ფეისბუქგვერდზე.

ფოტოები კიევის მეტროშია გადაღებული.