რუსმა მუსიკოსმა, ანდრეი მაკარევიჩმა, სოციალურ ქსელში ვიდეომიმართვა გაავრცელა, სადაც იგი რუსეთს მოუწოდებს, შეწყვიტოს უკრაინაზე თავდასხმა.
„თითქმის ყველა რუსს ჰყავს უკრაინაში თუნდაც ერთი მეგობარი, ახლობელი ან ნათესავი. და ჩვენ ახლა მათ ვესვრით. რა ხდება, საერთოდ? ყველა ძალის გამოყენებით, დაუყოვნებლივ შეწყვიტეთ ეს სიგიჟე,“ – ამბობს მუსიკოსი ვიდეომიმართვაში.
მუსიკოსი რუსეთის მიერ უკრაინაზე თავდასხმას გუშინაც გამოეხმაურა საჯარო პოსტით: „აბა, თქვენ ისევ ფიქრობთ, რომ მშვიდობა და თავისუფლება შეგვაქვს დონბასში? თუ უბრალოდ თავს დავესხით უკრაინას?“- დაწერა მან.
ანდრეი მაკარევიჩი ცნობილი რუსული როკჯგუფის, Машина Времени-ის სოლისტია.
