მთავარი,სიახლეები

ჩემი ფიქრები უკრაინელ ხალხთანაა – შვარცნეგერი

25.02.2022 • 956
ჩემი ფიქრები უკრაინელ ხალხთანაა – შვარცნეგერი

ცნობილი მსახიობი, აშშ-ის შტატის, კალიფორნიის ყოფილი გუბერნატორი არნოლდ შვარცნეგერი ეხმიანება რუსეთის შეჭრას უკრაინაში.

„ჩემი ფიქრები უკრაინელ ხალხთანაა. რამდენიმე ინტერვიუ მთხოვეს, მაგრამ, მიმაჩნია, რომ  ახალი ამბები უნდა ფოკუსირდეს  იმაზე, თუ რა ხდება ადგილზე, – ტრაგედიაზე, რომელმაც გული გაგვიტეხა და უკრაინელი ხალხის გამბედაობაზე, რომელმაც შთაგვაგონა.

მე არ ვარ საგარეო პოლიტიკის ექსპერტი, ამიტომ ანალიზს ჩემზე ჭკვიან ადამიანებს მივანდობ. მე ვიცი, რას ნიშნავს იზრდებოდე ომის შემდეგ ოკუპირებულ ქვეყანაში და ვიცი, რომ ომში ან მის შემდეგ არავინ იმარჯვებს. ყველა იტანჯება.

ომს აქვს უნარი, გატეხოს გამარჯვებულები დამარცხებულებთან ერთად.

მყავს უკრაინელი მეგობრები და თაყვანისმცემლები და მყავს რუსი მეგობრები და თაყვანისმცემლები. რამდენადაც მე შემიძლია განსჯა, არც ერთ მათგანს  ეს ომი არ სურს. იმედი მაქვს, რომ საბოლოოდ საღი აზრი გაიმარჯვებს და ბოლოს მოუღებს ამ არასაჭირო ომს იქამდე, სანამ ძალიან ბევრ სიცოცხლეს შეიწირავს.

ახლა მე უკრაინელი ხალხის მხარეს ვარ. ვიზიარებ თქვენს მწუხარებასა და იმედს მშვიდობისთვის. თქვენ შთამაგონებთ თქვენი გამბედაობითა და ადამიანურობით ამ კოშმარის წინაშე პირისპირ დგომისას.  ჯანმრთელად იყავით.“ – წერს შვარცნეგერი.

გადაბეჭდვის წესი


ასევე: