მწერალი ბორის აკუნინი [ჩხარტიშვილი] უკრაინაში რუსეთის შეჭრას ეხმაურება. აკუნინი საკუთარი ფეისბუქის ოფიციალურ გვერდზე წერს:
„ბოლომდე ვერ ვიჯერებდი, რომ პუტინი წამოიწყებდა ამ აბსურდულ ომს – შევცდი.
ყოველთვის მჯეროდა, რომ საბოლოოდ გონიერება გაიმარჯვებდა – შევცდი.
სიგიჟემ გაიმარჯვა.
ხალხი იხოცება, სისხლი იღვრება. რუსეთს მართავს ფსიქიკური აშლილობის მქონე დიქტატორი და, რაც ყველაზე საშინელებაა, ის მორჩილად მიჰყვება თავის პარანოიას.
ვიცი, რომ პუტინლანდია და რუსეთი ერთი და იგივე არ არის, მაგრამ ახლა მსოფლიოსთვის მათ შორის არავითარი სხვაობა არ არსებობს.
ვშიშობ უკრაინელების გამო. ეს საშინელებაა გონიერი რუსებისთვის, რომლებიც მანიაკის მმართველობის ქვეშ არიან. ეს საშინელებაა ტვინგამორეცხილი რუსებისთვისაც, რომლებსაც ახლა უხარიათ.
ყველა ჩვენგანისთვის 2022 წლის 24 თებერვალს ახალი ეპოქა დაიწყო. საშიში. რამდენ ხანს გაგრძელდება და მსხვერპლი რამდენი იქნება?
დღესვე ომის შეწყვეტის მოწოდებით გამოვიდა მომღერალი ვალერი მელაძე, რომელიც რუსეთში ცხოვრობს
__
ამავე თემაზე:
„მოხდა ის, რაც არ უნდა მომხდარიყო, შეწყვიტეთ საომარი მოქმედებები“ – ვალერი მელაძე
