ნეტგაზეთი • RU

უკრაინის შსს: დაღუპულია 3 მესაზღვრე, არიან დაჭრილები

უკრაინის შს სამინისტრო უკრაინის დროით 10:10 საათზე „რუსეთის შემოსევასთან დაკავშირებით“ მოკლე განცხადებას ავრცელებს.

უკარინის შს სამინისტრო რუსეთის არმიასთან პირდაპირი შეტაკებებისა და დაღუპულების შესახებ იუწყება.

შს სამინისტროს ინფორმაციით, ხერსონის ოლქის დასახლებულ პუნქტებში – კოპანისა და ივანოვოს მიდამოებში უკრაინელი სამხედროები მოწინააღმდეგეს ებრძვიან.

უწყების ინფორმაციით, „ამ დროისთვის ცნობილია 3 დაღუპული მესაზღვრის შესახებ. არიან დაჭრილები“.

___

ფოტო: უკრაინის შს სამინისტრო

ნეტგაზეთის მასალების სხვა გამოცემებში გადაბეჭდვის წესი
ავტორი
ეთერ თურაძე არის გაზეთ "ბათუმელების" მთავარი რედაქტორი 2001 წლიდან