როგორი ამინდი იქნება შაბათ-კვირას ბათუმში

აჭარის რეგიონული ჰიდრომეტეოროლოგიური ობსერვატორიის ინფორმაციით პარასკევს აჭარის სანაპირო ზოლში წვიმა, მთაში ზოგან თოვა დღის განმავლობაში შენარჩუნდება; შაბათ-კვირა კი, ბათუმსა და აჭარის მთიანეთში ძირითადად უნალექოდ ჩაივლის.

ობსერვატორიის მონაცემებით, 28 იანვრის 21 საათიდან 29 იანვრის 21 საათამდე ბათუმსა და მთლიანად აჭარაში მოსალოდნელია ცვალებადი მოღრუბლულობა; უმეტესად უნალექოდ;

იქროლებს ცვალებადი მიმართულების ქარი 10-15 მ/წმ-ში.

ჰაერის ტემპერატურა:

• სანაპირო რაიონებში – ღამით 0-2 გრადუსი ყინვა, დღისით 5-10 გრადუსი სითბო.
• შიგამთიან რაიონებში – ღამით 0-3 გრადუსი ყინვა, დღისით 0-5 გრადუსი სითბო.
• მაღალ მთაში – ღამით 7-12 გრადუსი, დღისით 3-8 გრადუსი ყინვა.

ზღვის პროგნოზი:

• სამხრეთ დასავლეთის ქარი 5-10 მ/წმ-ში. უმეტესად უნალექოდ. ხილვადობა კარგი. ტალღის სიმაღლე 5-10 დმ(2-3 ბალი); ზღვის წყლის ტემპერატურა +8 გრადუსი.

სინოპტიკოსების პროგნოზით, მომდევნო 2 დღეს, კვირას, 30 იანვარს და ორშაბათს, 31 იანვარს, აჭარის სანაპირო ზოლსა და მთიან რაიონებში  მოსალოდნელია უმეტესად უნალექო ამინდი.