ნეტგაზეთი • RU

ბავშვები გაიყვანეს ბათუმის საბავშვო ბაღიდან, რომლის რეაბილიტაციაზე 799 ათასი ლარი დაიხარჯა 

ბათუმის მე-13 საბავშვო ბაღი ავარიულ მდგომარეობაშია. ამის შესახებ განაცხადა დღეს, 27 იანვარს, ბათუმის საკრებულოს წევრმა „ნაციონალური მოძრაობიდან“ რეზო ხარაზმა.

მისი თქმით, საბავშვო ბაღის სარეკონსტრუქციო სამუშაოებზე ნახევარ მილიონზე მეტი ლარი დაიხარჯა, თუმცა ბაღი დღეს აღარ ფუნქციონირებს.

ის, რომ საბავშვო ბაღის ფუნქციონირება შეჩერებულია, „ბათუმელებს“ ბათუმის საბავშვო ბაღების გაერთიანებაშიც დაგვიდასტურეს. გაერთიანების ხელმძღვანელის, დავით დიასამიძის თქმით, დოკუმენტაცია შენობაში არსებულ მდგომარეობასთან დაკავშირებით ერთი თვის წინ გადაიგზავნა სამსახარაულის ექსპერტიზის ბიუროში შესასწავლად.

„საბავშო ბაღის კედლები დაბზარულია. მასალები გადაგზავნილია დეტალურ კვლევაზე მერიის კეთილმოწყობის სამსახურის მიერ. მეტი არაფერი არ ვიცი“, – გვითხრაა გაერთიანების დირექტორმა.

ასე გამოიყურება რეაბილიტირებული ბათუმის მე-13 საბავშვო ბაღი დღეს

კითხვაზე, როდის შენიშნეს პირველად დაზიანებები და აქამდე რატომ არ მოხდა რეაგირება, გაერთიანების დირექტორი არ გვიპასუხა და თქვა, რომ დაელოდება სამხარაულის ექსპერტიზის დასკვნას.

საბავშვო ბაღში 265 აღსაზრდელი სწავლობს. დავით დიასამიძის თქმით, ისინი 17 იანვრიდან სხვადასხვა ბაღში არაინ გადანაწილებული.

ხელშეკრულების თანახმად, თუ ექსპერტიზით დადგინდება, რომ ბზარები უხარისხოდ შესრულებულმა სამუშაოებმა გამოიწვია, პასუხისმგებლობა შემსრულებელ კომპანიას დაეკისრება.

დოკუმენტის მიხედვით, სარეაბილიტაციო სამუშაოები შპს „ამაგმა“ შეასრულა. ხელშეკრულება 2015 წელს 799 000 ლარზეა გაფორმებული.

დაზიანებული კედლები და იატაკი რეაბილიტირებულ საბავშვო ბაღში

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com