მეტეოროლოგები თურქეთში კვლავ თოვლიან ამინდს ელოდებიან დღეიდან, 26 იანვრიდან, ქვეყნის 33 პროვინციაში.
დიდთოვლობის გამო თურქეთის ცალკეულ პროვინციებში შეფერხებულია გადაადგილება რამდენიმე საავტომობილო გზაზე, მათ შორის, დაიკეტა სამხრეთის მაგისტრალი.
სპეციალისტები ახლა თოვლიან ამინდს ელიან შავიზღვისპირეთსა და ანტალიის რეგიონში, სადაც 30 წლის განმავლობაში წელს პირველად მოთოვა.
მთავრობა მძღოლებს მოუწოდებს თვალი ადევნონ განახლებად ინფორმაციას გზების მდგომარეობის შესახებ და თავი შეიკავონ მგზავრობისგან, თუ ეს აუცილებელი არ არის.
გასულ კვირას დიდთოვლობამ თურქეთის ბევრი რეგიონი დააზარალა, განსაკუთრებით კი სტამბოლი, სადაც თოვლის გამო გაუქმდა ავიარეისები, მაგისტრალები ჩაიკეტა და მძღოლები იძულებულნი გახდნენ, ავტომანქანები ნამქერში მიეტოვებინათ.
___________
ფოტო: Anadolu Agency
