ბათუმი,მთავარი,სიახლეები

8 ადგილი ბათუმში, სადაც სკვერი მოეწყობა – ტენდერები 3 მილიონი ლარით

18.01.2022 • 2417
8 ადგილი ბათუმში, სადაც სკვერი მოეწყობა – ტენდერები 3 მილიონი ლარით

ბათუმში რვა მისამართზე სკვერის მოსაწყობად ქალაქის ბიუჯეტიდან ჯამში 3 117 981 ლარია გამოყოფილი. სკვერების მოსაწყობად მერიის საქალაქო ინფრასტრუქტურისა და კეთილმოწყობის სამმართველოს სამი ტენდერი აქვს გამოცხადებული.

სკვერები უნდა მოეწყოს შემდეგ მისამართებზე: 

[checklist]

  • თამარ მეფის გზატკეცილზე – რელიგიის მუზეუმის მიმდებარედ
  • თამარ მეფის გამზირი N20
  • აბუსერიძის ქ.N23-ის მიმდებარედ
  • დ. აღმაშენებლის ქ. N8-10-12-ის მიმდებარედ
  • ბაგრატიონის ქ.N214-ის მიმდებარედ
  • ივანე მესხის ქ.N1-ის მიმდებარედ
  • ანდრია პირველწოდებულის IX ჩიხის N3-5-ის მიმდებარედ
  • ფიროსმანის ქ,N8-10-ის მიმდებარედ

[/checklist]

რელიგიის მუზეუმის მიმდებარედ / რენდერი პროექტიდან

გამოცხადებული ტენდერების მიხედვით:

  • რელიგიის მუზეუმის მიმდებარედ და თამარ მეფის გამზირი N20-ში დასასვენებელი სკვერების მოსაწყობად 1 276 575 ლარია გათვალისწინებული. სამუშაოები ხელშეკრულების დადებიდან 2023 წლის 28 თებერვლის ჩათვლით უნდა დასრულდეს.
  • 599 996 ლარია გათვალისწინებული სამ ადგილზე [აბუსერიძის ქ.N23-ის, დ. აღმაშენებლის ქ. N8-10-12-ის და ბაგრატიონის ქ.N214-ის მიმდებარედ] სკვერის მოსაწყობად. ამ მისამართებზე სამუშაოები ხელშეკრულების დადებიდან 6 თვის განმავლობაში უნდა დასრულდეს.
  • ივანე მესხის ქ.N1-ის, ანდრია პირველწოდებულის IX ჩიხის N3-5-ისა და ფიროსმანის ქ.N8-10-ის მიმდებარედ სკვერების მოწყობისთვის კი, 1 241 410 ლარია გათვალისწინებული, თუმცა ამ ტენდერის და თანხის ფარგლებში დამატებით ორ ადგილზე სპორტული მოედნებიც უნდა გაკეთდეს: გრ. ლორთქიფანიძის ქ.N14 -ში და აფსაროსის გზატკეცილის II შესახვევის N8-ის მიმდებარედ. სკვერების და მოედნების მოწყობა ხელშეკრულების დადებიდან 2022 წლის 30 სექტემბრის ჩათვლით პერიოდში უნდა დასრულდეს.

ბაგრატიონის ქ.N214-ის მიმდებარედ / რენდერი პროექტიდან

სამივე ტენდერის პირობაში აღნიშნულია, რომ თითოეულ მისამართზე სამუშაოები განხორციელდეს მას შემდეგ, რაც ტენდერში გამარჯვებული მიმწოდებელი შემსყიდველის მხრიდან მიიღებს შეტყობინებას, რომელშიც განსაზღვრული იქნება სამუშაოების დაწყების და დასრულების კონკრეტული თარიღები.

შეტყობინებაში მითითებული ვადების დარღვევის შემთხვევაში კი, ყოველი დაგვიანებული დღისთვის მიმწოდებელი დაჯარიმდება.

ეს ტენდერები 2022 წლის 8 თებერვლამდე დასრულდება.

აბუსერიძის ქ.N23-ის მიმდებარედ / რენდერი პროექტიდან

მერია ახალ სკვერს მოაწყობს ბათუმში, შერიფ ხიმშიაშვილის ქუჩაზეც, „მაკდონალდსის“ მიმდებარედ. აქ სკვერის მოსაწყობად ქალაქის 2022 წლის ბიუჯეტიდან 2 497 388 ლარამდე დაიხარჯება. სამუშაოების შესყიდვაზე ცალკე ტენდერია გამოცხადებული:

2,4 მილიონი ლარი „მაკდონალდსთან“ ახალი სკვერის მოსაწყობად ბათუმში

 

 

 

 

 

 

გადაბეჭდვის წესი


ასევე: