აჭარის რეგიონული ჰიდრომეტეოროლოგიური ობსერვატორიის ინფორმაციით, 4 იანვრის 21 საათიდან 5 იანვრის 21 საათამდე აჭარაში მოსალოდნელია ღრუბლიანობის მომატება. სანაპირო რაიონებში ღამით დროგამოშვებით წვიმა; მთაში თოვა; დღისით კი, უმეტესად უნალექო ამინდი იქნება.
ამავე პერიოდში იქროლებს დასავლეთის მიმართულების ქარი ღამით 15-20 მ/წმ-ში, დღისით 7-12 მ/წმ-ში.
ჰაერის ტემპერატურა სანაპირო რაიონებში:
- დღისით: 7 – 12 გრადუსი
- ღამით: 2 – 7 გრადუსი სითბო
შიდამთიან რაიონებში:
- დღისით: 0 – 5 გრადუსი სითბო
- ღამით: 0 – 5 გრადუსი ყინვა
მაღალ მთაში მოსალოდნელია:
- დღისით: 0 – 5 გრადუსი ყინვა
- ღამით: 3 – 8 გრადუსი ყინვა
ზღვაზე იქროლებს სამხრეთ დასავლეთის ქარი, ღამით 15-20, დღისით 6-11 მ/წმ-ში. ღამით დროგამოშვებით წვიმა. დღისით უმეტესად უნალექოდ. ხილვადობა 4-10. ტალღის სიმაღლე ღამით 15-20 დმ (4 ბალი); დღისით 7-12 დმ (2-3 ბალი).
ზღვის წყლის ტემპერატურა + 9 გრადუსია.
სინოპტიკოსების პროგნოზით, მომდევნო ორ დღეს, 6 და 7 იანვარს, აჭარის სანაპირო ზოლსა და მთიან რაიონებში მოსალოდნელია უმეტესად უნალექო ამინდი.
მთავარი ფოტო: ხულო, სოფელი ოქრუაშვილები, იანვარი, 2022 წელი. ფოტ: ჰურიე აბაშიძე