Batumelebi | 12 ყველაზე პოპულარული ვიდეო „ბათუმელებზე“ 2021 წელს 12 ყველაზე პოპულარული ვიდეო „ბათუმელებზე“ 2021 წელს – Batumelebi
ნეტგაზეთი • RU

12 ყველაზე პოპულარული ვიდეო „ბათუმელებზე“ 2021 წელს

2021 წელს „ბათუმელებმა“ ასობით ვიდეო და პირდაპირი ჩართვა მოამზადა, მკითხველს გააცნო ბევრი საინტერესო ამბავი და მოვლენა, როგორც აჭარაში, ისე საქართველოს სხვა რეგიონებიდან. წლის ბოლოს, ტრადიციულად, გთავაზობთ თვალი გადაავლოთ „ბათუმელების“ მიერ მომზადებულ იმ ვიდეოებს, რომლებიც წელს ყველაზე მეტმა ადამიანმა ნახა.

1. ქორწილი სეფაში – გაუქმებული ტრადიცია, რომელიც აღდგა 

ვიდეო ხულოს მუნიციპალიტეტში, სოფელ ღორჯომშია გადაღებული, სადაც კორონავირუსის პანდემიამ ქორწილის სეფაში გადახდის ტრადიცია გააცოცხლა. ვიდეოში ნახავთ, როგორ ემზადებიან ღორჯომში ქორწილისთვის, რომელშიც ყველა თაობა მონაწილეობს.

2. ვერასოდეს გაივლი და ვერც შვილს გააჩენ – 24 წლის შშმ ქალის 

24 წლის მეგი გონჩაროვა ბათუმში საცხოვრებელი კორპუსის მეორე სართულიდან გადმოვარდა და ხერხემლის ტრავმა მიიღო. ტრავიდან 5 თვის შემდეგ მეგი დაფეხმძიმდა და უკვე პატარა ლილე ჰყავს.

  3. 23 წლის ტრანსგენდერი ქალი ბათუმიდან 

23 წლის ტრანსგენდერი ქალის, ეკას ისტორია, რომელიც იძულებული გახდა სახლიდან 15 წლის ასაკში წასულიყო. ეკა მიმართავს იმ მშობლებს, რომელთა შვილები ახლა საჭიროებენ მათ თანადგომას. ვიდეო მილიონზე მეტმა ადამიანმა ნახა.

4. მამუკას ცეკვა დედისთვის 

28 წლის მამუკა ფოცხორიას ისტორია, რომელიც მარტვილში ცეკვით ცდილობდა დედისთვის ოპერაციისთვის და ბინის საყიდლად ფულის შეგროვებას. ვიდეოს და სტატიას „ბათუმელების“ მკითხველის დიდი გამოხმაურება მოჰყვა, მკითხველებმა 42 ათასზე მეტი ლარი გადაურიცხეს, რითაც მამუკამ მარტვილში ბინა შეიძინა.

5. 13 წლის ანეტას ცხოვრება ეტლით 

ბათუმელი ანეტა ტაკიძე 2 წელია ეტლით მოსარგებლეა. ვიდეოში ანეტა ჰყვება, რომ დიდხანს არ უნდოდა სახლიდან გასვლა, თუმცა ახლა მზად არის სხვებს დაეხმაროს და უკვე ფარიკაობასაც სწავლობს.

6. სახლში დაბრუნება 2-ჯერ სცადა – ახლა ისევ ემიგრაციაში მიდის

ლიანა თანიაშვილის ისტორია, რომელიც 21-წლიანი ემიგრაციიდან დაბრუნების შემდეგ იძულებული გახდა ისევ ემიგრაციაში წასვლაზე ეფიქრა, რადგან საქართველოში სამსახური და თავისი ადგილი ვერ იპოვა.

7. რძალი და დედამთილი, რომლებიც 15-17 წლის ასაკში დაქორწინდნენ

ქალები მაღალმთიანი აჭარიდან, რომლებიც ადრეულ ასაკში დაქორწინდნენ, თავიანთ გამოცდილებაზე ჰყვებიან.

8. შორენას შვილს ლეიკემია დაუდგინდა

ბათუმელი შორენა მეხეშიძის და მისი შვილის ბრძოლა მძიმე სენის წინააღმდეგ სიღარიბეში.

9. აგვისტოს ომის ვეტერანი ნაგავსაყარზე ცხოვრობს

ვიდეო აგვისტოს ომის ვეტერანზე, ჯემალ ბერიძეზე, რომელიც ნაგავსაყარზე ცხოვრობს და მუშაობს და ასე არჩენს ცოლ-შვილსა და ავადმყოფ დედას. ვიდეო ნაწილია „ბათუმელების“ დოკუმენტური ფილმისა – „ჩვენი მისამართია ნაგავსაყარი“.

10. ქმარმა დანით 54 ჭრილობა მომაყენა – 4 შვილის დედა 

ახალგაზრდა ქალის, 4 შვილის დედის, ირმა შამოიანის ისტორია, რომელიც წლების განმავლობაში ქმრისგან ძალადობის მსხვერპლი იყო.

11. ტრანსგენდერი ქალი: რატომ უნდა წავიდე სხვაგან, საქართველოში მინდა ვიყო 

25 წლის ტრანსგენდერი ქალი, დუდუ კარა საუბრობს საქართველოში ერთ-ერთი ყველაზე დისკრიმინირებული ჯგუფის, ტრანსგენდერი თემის საჭიროებებზე.

12. საწოლს მიჯაჭვული კაცის და მეეზოვე ქალის ამბავი

ამბავი ბათუმში მცხოვრებ ოჯახზე, რომელიც უკიდურეს სიღარიბესთან და მძიმე ავადმყოფობასთან გამკლავებას ცდილობს.

ნეტგაზეთის მასალების სხვა გამოცემებში გადაბეჭდვის წესი
ავტორი
გაზეთი "ბათუმელები" გამოდის 2001 წლიდან.