Batumelebi | მთავარი არხი 111 903 ლარით დააჯარიმეს „სირცხვილიას“ კლიპის გაშვებისთვის მთავარი არხი 111 903 ლარით დააჯარიმეს „სირცხვილიას“ კლიპის გაშვებისთვის – Batumelebi
RU | GE  

მთავარი არხი 111 903 ლარით დააჯარიმეს „სირცხვილიას“ კლიპის გაშვებისთვის

კომუნიკაციების ეროვნულმა კომისიამ 111 903 ლარით დააჯარიმა „მთავარი არხი“ მოძრაობა „სირცხვილიას“ მიერ მომზადებული ვიდეორგოლის ეთერში განთავსებისთვის.

საუბარია ვიდეორგოლზე, სადაც „ქართული ოცნების“ ლიდერები პუტინის სახეს ქმნიან. ვიდეორგოლს ფონად „ქართული ოცნების“ ჰიმნი ადევს.

ეს ვიდეორგოლი 16 ნოემბერს გავრცელდა ფეისბუქში „სირცხვილიას“ გვერდზე აღწერით:

„ქვეყნის ნახევრადშიშველი პრეზიდენტის საკნიდან საკანში გადათრევის კადრებით, პროტესტის ფორმის დამძიმების პროვოცირებით, მრავალპროფილურ სამედიცინო დაწესებულებაში გადაყვანის მოთხოვნის იგნორირებითა და ფატალური შედეგის დადგომის შესაძლებლობის დაჩქარებით, ივანიშვილის “ქართული ოცნება” პუტინის რუსეთის გეგმას ასრულებს.

შეგახსენებთ კრემლის იდეოლოგის, ალექსანდრ დუგინის სიტყვებს: “თბილისში რუსული ტანკები რომ შესულიყო, სიტუაცია დღევანდელის იდენტური იქნებოდა”, – აღნიშნულია ვიდეორგოლის აღწერაში.
„ამ გადაწყვეტილებით ეჭვქვეშ დადგა სარედაქციო დამოუკიდებლობის ცნება, სამოქალაქო აქტივიზმის თავისუფლება და განსხვავებული პოლიტიკური მოსაზრებების არსებობს უფლება“, – ასე გამოეხმაურა კომუნიკაციების ეროვნული კომისიის გადაწყვეტილებას იურისტი, კოალიცია მედია ადვოკატირებისთვის კოორდინატორი ნათია კაპანაძე.
ნეტგაზეთის მასალების სხვა გამოცემებში გადაბეჭდვის წესი
ავტორი