თურქეთში მომხდარი მიწისძვრების შემდეგ ქვეყნის ყველაზე დიდი, ძველი ვულკანის აქტივობა შეინიშნება.
ვულკანი ჰასანის მთაზე 10 000 წლის წინ იყო აქტიური, მაგრამ სპეციალისტები შიშობენ, რომ ახლახან მომხდარმა მიწისძვრებმა შესაძლოა ვულკანი გააღვიძოს. სპეციალისტებმა აქტივობა დააფიქსირეს მთის მაგმის ფენებში.
ჰასანის მთა აქსარაის პროვინციაში მდებარეობს. მისი სიმაღლე 3253 მეტრია.
სპეციალისტები გამორიცხავენ ვულკანის მოულოდნელად ამოფრქვევის შესაძლებლობას და აცხადებენ, რომ მათ შეუძლიათ ვულკანის აქტივობას თვალი ადევნონ.
