Batumelebi | ხულოში ავარიის დროს დაშავებული მოზარდის მდგომარეობა მძიმეა, მაგრამ სტაბილური ხულოში ავარიის დროს დაშავებული მოზარდის მდგომარეობა მძიმეა, მაგრამ სტაბილური – Batumelebi
RU | GE  

ხულოში ავარიის დროს დაშავებული მოზარდის მდგომარეობა მძიმეა, მაგრამ სტაბილური

წუხელ, 19 ნოემბერს, სოფელ დეკანაშვილებში მომხდარი ავარიის შედეგად დაშავებული 2 მოზარდის ჯანმრთელობის მდგომარეობა სტაბილურია. ეს მოზარდები ხულოში, კლინიკაში არიან მოთავსებულები.

მძიმეა, მაგრამ სტაბილური გოგონას ჯანმრთელობის მდგომარეობა, რომელიც შემთხვევის შემდეგ ბათუმში, კლინიკაში გადაიყვანეს. ამის შესახებ ინფორმაცია „ბათუმელებს“ ხულოს მერმა, ვახტანგ ბერიძემ დაუდასტურა.

მსუბუქი ავტომანქანა, რომელშიც 15-17 წლის ოთხი მოზარდი იმყოფებოდა, წუხელ ხევში გადავარდა. ავარიის შედეგად ერთი მოზარდი ადგილზე დაიღუპა.

შს სამინისტროს ინფორმაციით, დაწყებულია გამოძიება.

ნეტგაზეთის მასალების სხვა გამოცემებში გადაბეჭდვის წესი
ავტორი
გაზეთი "ბათუმელები" გამოდის 2001 წლიდან.